Velkomen til Sysendalen Skisenter

Me i Hardangervidda Ski og Fjellsport AS vil gjerne takke alle våre gjester for besøket så langt i joleferien. Tross eit trasig jolever og eit begrensa tilbod har besøket så langt vore langt over forventningane, det er veldig kjekt! Takk skal de ha!

Minner om redusert opningstid i morgon nyttårsaften og 1.nyttårsdag. Nyttårsaften har me ope frå 10 - 13, 1.nyttårsdag har me ope frå 13 - 16. Eit lite forbehald om vermeldingane for dei to komande dagane, då det ser litt ruskete ut mtp vind.

Ha ein fortsatt strålande joleferie!

Me har ope heile romjola! Sjå www.fnugg.no!

Ei lita oppdatering før jolefreden senkar seg over Sysendalen:

Me har fått produsert nok kunstsnø til å opne hovudløypa og barneområdet 2.joledag kl 10. Underlaget i nedfart og trekktrasè er utelukkande kunstsnø og dermed ganske hardt og stadvis litt isete. Hjelm er difor heilt sjølvsagt når ein skal ut på nedoverski. Dei som har kjøpt sesongkort på førehandssal hentar ut korta fyrste dagen dei kjem i bakken. Korteigar må vera med pga bilete.

Når det gjeld langennsløypene har me ikkje i nærleiken av nok snø for å kunne starte å preparere med løypemaskina. Pr no ligg det 10-15cm snø i terrenget, og me anslår at me treng minst 25 cm til før me kan starte å preparere gangvegen mellom Maurseth og Liseth. Trasig, men slik er ståa pr i dag. Me kryssar fingrane for meir snø framover, og er klare så snart snøen kjem.

Skisenteret og kiosken vert ope kvar dag i joleferien f.o.m. 2.joledag. Me held ope frå 10 - 16.

Hardangervidda Ski og Fjellsport AS ynskjer alle ei riktig god jolefeiring, me sjåast på ski i jola!

Skisesongen nærmar seg, og me er klare for årets førehandssal av sesongkort! I heile november månad kan du sikre deg sesongkort til heile familien til særs fine prisar! Følg linken "Kjøp skikort online" under Info her på sida for å gjera eit godt kjøp!

Så til eit aldri så lite forebehold: Me minner alle som kjøper sesongkort om at når det gjeld opningstider ifbm vinterferieveka 2019, så har me kun ope i vinterferieveka til Bergen; 25.feb - 01.03. Elles er opningstidene som før, med sesongopning 2.joledag.

Løypelaget har bestilt løypekøyring i Sysendalen to helger til framover, så ikkje pakk vekk bortoverskia riktig endå! Følg med på www.sysendalen.no/hordaland/sysendalen